انا كودا

  أزيكم؟ فى مثل بيقول “اللى جوزها يقولها يا كودا يلعبوا بيها الكورة” يعنى الست اللى جوزها ما يحترمهاش قدام الناس، الناس هتستهين بيها. بس أنا عايزة اقوله بطريقة مختلفة، “اللى تقول لنفسها يا كودا الكل يلعب بيها الكورة”، القضية بتبدأ بيكى أنتى؛ تقديرك لنفسك دي من الحاجات المهمة أوي من اللي بلاحظه أن كتير أوي من البنات و السيدات طول الوقت تحس أنها ما بتعملش حاجة و معندهاش قدرات و ملهاش لازمة و كأنها عبء على الكرة الأرضية لأن جوزها او اللى حواليها بيقولولها كده. تبقى بتعمل 100 حاجة و طول الوقت يتقال لها هو “انتى بتعملى إيه؟!”، سؤال مستفز ومحبط انا عارفة صعبت عليا قوى الست قابلتنى بتشتغل كوافيره واقفة على رجلها 12 ساعه فى اليوم و مفيش ولا يوم أجازة و ترجع تعمل الأكل و تنضف و تاخد بالها من العيال و جوزها يقولها انتى بتعملى إيه؟ إنتَ لا زوجة ولا أم. الغريب ان العيال بيكبروا و […]

اقرأ المزيد ›
خناقة

ازيكم؟ كتير بيسألونى هي ليه المناقشة بيني و بين جوزي دايماً بتقلب بخناقة؟! ده سؤال كل شوية بسمعه، و في الحقيقة أغلب المناقشات ما بين الستات و الرجالة في البيت بتقلب بخناق لأننا مش عارفين أزاى نتخانق صح أو اللى بتوع الإدارة بيسموه “فن إدارة الخلاف”. فن إدارة الخلاف أساسه هو أننا نركز علي الموضوع مش الاشخاص، هو اصلاً الخلاف جاى منين؟ من أننا بيبقى عندنا وجهات نظر مختلفة كل واحد بيبص للموضوع بحسابات غير التانى يمكن الأساس الحب بس مش عارفين نوضحه و لا عارفين نوصله للتانى بهدوء و نبين الرأى بالراحة، لكن في شوية قواعد كده تقدر تخلينا نعمل إدارة هذا الأختلاف بطريقة صحية متقلبش بخناقة و نطير فيها الأطباق أو نكسرها علي دماغ بعض. اول حاجة لازم نتفق أن هدفنا احنا الأتنين واحد؛ يعني أنا عاوزة حاجة كويسة للبيت و أنت كمان عاوز حاجة كويسة للبيت، بس كل واحد بيعبر بطريقة مختلفة أو ماشي في سكة مختلفة […]

اقرأ المزيد ›
الفرصة اللي مش علي مقاسك

ازيكم، عاملين ايه؟ عايزة اقولكوا على حاجة مهمة؛ الفرصة اللى مش على مقاسك متزعليش عليها، مش بتاعتك. زى كده كثير مننا يقولك الأرض كانت في الحته دي بعشرة جنيه دلوقتي بكام، كانت فرصة! أو أن يجيلي عرض كويس قوي في الشغل – مركز كويس و فلوس محترمة – بس الاقي ظروفي مش هتنفع لأني براعي والدتي أو اولادي صغيرين. في الموقف ده الواحد مننا بيبقي حزين و حاسس أنها فرصة متتعوضش، و يبقي محبط و احياناً مكتئب و كاره نفسه لكن في الحقيقة الموضوع مش كده. الأرض اللي كانت بعشرة جنيه و مكنش معاك العشرة جنيه ساعتها مش لقطة لأن العشرة جنيه وقتها زي العشر ألاف دلوقتي في الحالتين مش معايا ممكن تكون ارخص من سعر السوق لكن غالية علي قد أمكانياته، اللقطة انها تبقي مناسبة ليا كمان في الشغل – مفيش فرصة احسن و فلوس احسن بتيجي الا للشاطر المجتهد – لو انت او انتي مش مجتهدين برضه مكنتش […]

اقرأ المزيد ›
متحطيش نفسك في قالب

ازى الحال؟! عايزة احكى ليكوا عن ظاهرة غريبة بنشوفها فى الشغل؛ الستات اللي بيشتغلوا و بيبقوا شطار جداً و أغلب الأراء انهم مركزين و بتوع عمل شاق و يعتمد عليهم، اول ما يتجوزوا يتغير الحال و يا سلام لو حملت فجأة تاخد أجازة ليه علشان تعبانه في الحمل، دكتورة بقى- محامية- معيدة في الجامعة. اللي بتكمل يا عيني هي اللي بتشتغل شغل شاق مثلاً زي اللي في مصنع او وقفه في محل لأن معندهاش رفاهية انها تسيب الشغل. و ترجع بعد كده تشتكي أن خريجات الجامعة مش لاقيين شغل و محدش عايز شغلهم بس مش واخدين بالنا ان أحنا اللي بنخّسر نفسنا. تسأل بتوع الشغل يقولك اصل هدرب و هتعب عقبال ما يبقي عندها خبرة و فجأة تسيب الشغل. كان عندي مرة محامية جت قالتالي انا هسيب الشغل عشان حامل، قلتها براحتك بس خدي بالك الحمل مش مرض و لا بيضعف بالعكس الحركة و المشي في الحمل مهمة جداً الدكاترة […]

اقرأ المزيد ›
دي صدقة

ازيكم؟ هل تعرفوا أن حق من حقوق الانسان هو حق اللطف، مش من حقوق الأنسان العالمية و أنما من حقوق الأنسان اللى ربنا ادهالنا. و أنا براجع العلاقات الانسانية في الشريعة الأسلامية اكتشفت أن فيه حقوق كتيره جداً منها حق اللطف؛ يعني اننا نتعامل بلطف مع بعض و نتعامل برقه و مودة. فى حديث للرسول -عليه الصلاه والسلام- بيقول: “خيركم خيركم لأهله و انا خيركم لأهلي”. و فى حديث تانى عن سعد ابن ابي وقاص قال الرسول -عليه الصلاه والسلام-: “انك مهما انفقت من نفقه فأنها صدقه حتي اللقمه ترفعها الي فم امرأتك”. تخيلوا كده لقمه ترفعها الى فم امرأتك، مين اللي بيقعد جنب المدام يدلعها و يحطلها الاكل في بوقها، تخيلوا اللى يعمل كده ربنا هيحسبهاله صدقة، و اكد الرسول -عليه الصلاه والسلام- علي ده في مواقع و مواقف كتيره جداً، يعنى مثلاً فيه ناس بتتصدق بمبلغ كبير او تدبح عجول و انت المدام جنبك مش حاسس بيها و […]

اقرأ المزيد ›
الشاطر شاطر في كل حاجة

ازيكوا يا بنات و يا هوانم؟ عايزة اقولكوا على حاجة مهمة هتلاحظوها فى اغلب برامج المرأة؛ دايما لما بيستضيفوا ست ناجحة فى برنامج علشان تتكلم عن نجاحها بتتركز الاسئلة على حياتها الشخصية، و يا ترى بتعرف تطبخ ولا لأ اكثر ما بتركز على التجربة العملية للنجاح و المشاكل اللى بتقابلها٬ و التنافس و الصراع و ازاى قدرت تتعامل مع كل الحاجات دى مش ازاى تتعامل مع طشة الملوخية، كمان لازم يكون العيال ليهم حظ فى الاسئلة و ينوبهم من الحب جانب. من الأخر بنحط الست الناجحة دى على كرسى التعذيب و نسألها أسئلة ايحائية بأنها علشان ناحجة فى شغلها٬ لازم تكون فاشلة أجتماعيا و اولادها أكيد أكيد بيضربوا مخدرات و هى مش عارفة اي حاجة، بعد شوية يبقى فاضل انها تقر و تعترف بأنها ارتكبت أكبر ذنب فى حياتها و أنها هتطلع على طول من البرنامج تسحب العيال على مصحة لعلاج الادمان أو مرض السرقة. الحقيقة مش عارفة الكلام ده […]

اقرأ المزيد ›
اتس تو ليت يا مدام

و انا ابنى فى تانية ابتدائى جالى استدعاء ولى امر و طبعا كأم مستجدة جريت على المدرسة اشوف ايه اللى حصل، قابلتنى مسئولة القسم الأنجليزى و معاها الولد و قالتلى ان الولد مستواه وحش قوى يا مدام و مش مستجيب و انتم فى البيت مش بتشوفوا الكوميونيكشن بوك-communication book- و ثبتتنى قدامها و فضلت تنفض في و تمارس كل انواع السلطة و شوية شوية هتقول اقفى فى الحيط و ارفعى ايدك و طبعا الأمر لا يخلو من حشر الأنجليزى مع العربى! مش عارفه ليه و هى بتكلم ام مصرية! و انا هادية جدا و بناقشها بالعقل ان العملية التعليمية مش طالب بس و لازم نبص علي المدرسين و نشوف ازاى المدرسين مش جاذبين للأطفال و ان احنا علينا دور و انتم عليكم دور… وشها احمر و ضربتنى كلمة انجليزي “اتس تو ليت يا مدام” ابنك فاشل يا مدام! طبعا متخيلة انها اديتنى بالقاضية، مع الكلمتين الأنجليزى و الطريقة دى فى […]

اقرأ المزيد ›
ملحقتش اجربهم كلهم

من حوالي شهر كده اتعزمت علي فرح فخم جدا في فندق 5 نجوم و حاجة يعني مصروف عليها بشكل كبير جدا، و سمعت كمان أن العروسة و العريس ما شاء الله سافروا يقضوا شهر العسل بره مصر، قلت كويس عقبال ما يجيوا بقه نكون حوشنا نجيب هدية تليق بمقام هذا الفرح الفخم، بعد شوية اتصلت بالبنوتة العروسة عشان ارتب معها ميعاد نروح نبارك لهم في بيتهم و نقدملهم الهدية اللي دفعنا فيها دم قلبنا فوجئت بيها بتقولي يا طنط احنا بنرتب للطلاق! هي فوجئت ان طنط المحامية الكبيرة قلبت على خالتي بمبه في التليفون، لاني في الحقيقة ملقتش حاجة اقولها غير ليه يا بنتي؟؟؟ عشان ايه يا حبيتي؟؟؟ يا بنتي ده انتي ملحقتيش تلبسي كمية الجزم اللي اشتريتها! طيب بلاش ده و لا ده، ده انتوا ملحقتوش تستلموا باقي العفش اللي مفصلينه! هو ايه الموضوع يا جماعة! ليه ولادنا مبقاش عندهم صبر اوي كده؟!! عارفين انا فكرت في الموضوع و […]

اقرأ المزيد ›
بدء موسم ابو ورده

ازي الحال عايزة أقولكم حاجة مهمة، موسم الدراسة ابتدى و داخلين علي midterms و بدأ موسم أبو وردة في كل بيت و للي ميعرفش أبو وردة؛ أبو وردة ده مقصود بيه اى شىء يتلبس فى الرجل و سهل القلع و التصويب على الهدف، اللى هو عيل بيجرى من قدام أمه و هى بتشد شعرها لأنه معملش الواجب و ده طبعا بعد ما استنفذت كل الطرق الودية فى التفاوض معاه حوالين الواجب. من أول إعمل الواجب واتفرج على الكرتون، إعملي الواجب و هجبلك أيس كريم، و خلصت الرد على الأسئلة الكونية الفلسفية العميقة اللى بيسألها الأولاد من أول اللى فى KG لحد اللى فى ثانوىة عامة عشان يجننونا ونبطل نكلمهم علي المذاكرة. بعد استنفاذ كل المفاوضات و الحوارات يظل أبو وردة هو سيد الموقف فى كل البيوت… -السؤال ليه؟ -ليه بنحول البيوت لساحة صراع علشان المذاكرة؟!! -ليه بنخلق علاقة بين المذاكرة و الدراسة و النكد؟!! -إحنا عايزين إيه؟؟؟ عايزين العيال تطلع […]

اقرأ المزيد ›
سوق العمل مش مستنيكي

  ازي الحال، عاملين ايه؟؟ عايزة اقولكم حاجة مهمة، بنات كتير أوى من بناتنا نتعب في تربيتهم و ندفع دم قلبنا دروس و مدارس علشان يتعملوا كويس و ندخلهم الجامعة، و بعد ما تتخرج تقولك انا مش عاوزة أشتغل، ليه يا حبيبتى؟ أصل انا هتجوز و أقعد فى البيت! طيب، الجواز حاجة لطيفه و مهمة و رسالة سامية برضه، بس مين قال إن سامية لازم تقعد فى البيت، و إنه مينفعش تبقى أم ناجحة و زوجة ناجحة و عالمة ناجحة و طبيبة ناجحة و محامية ناجحة و قاضية ناجحة و كل حاجة فى الدنيا تبقى ناحجة. خدوا بالكم من حاجة مهمة؛ سوق العمل مبيستناش حد. كتير من البنات تتخرج من الجامعة أو حتى تاخد دبلوم فنى، تنزل تشتغل فى شركة أو فى مصنع، أياً كان المتوفر لفترة … بتشتغل بجدية و تبقى شاطرة و يعتمد عليها تمام، هى بتشتغل إما تضييع وقت أو لتجهيز نفسها لحد ما ييجى إبن الحلال […]

اقرأ المزيد ›

« الصفحة السابقةالصفحة التالية «